„ამბავი“ აუდიო ვიზუალური პროექტია, რომელიც მუსიკის მიმართულებით წარმოადგენს ქართული ფოლკლორული თემების, ელექტრონული ჟღერადობისა და ტექნოსთვის დამახასიათებელი რიტმების სინთეზს. ვიზუალური ხელოვნების მიმართულებით კი მონტაჟის, ეფექტებისა და ფერწერის ელემენტების ერთობლიობაა.
4-11 მაისის ჩათვლით, ჰოლოზეუმში შესაძლებლობა გექნებათ არა მხოლოდ მოუსმინოთ, არამედ პირდაპირი მნიშვნელობით დაათვალიეროთ ამბავის მუსიკა, ჰოლოზეუმში დაგხვდებათ სპეციალური სივრცეები, სადაც შეგიძლიათ თავად გახდეთ ვიზუალების ნაწილი.
სრული პროგრამა მოიცავს 9 ტრეკს, შესაბამისი ვიზუალებით. მუსიკის დათვალიერება შეგიძლიათ ყოველდღე, 11:00-20:00 საათამდე, ხოლო ამბავის ლაივს შეგიძლიათ დაესწროთ გახსნის და დახურვის ღონისძიებებზე, 4 და 11 მაისს 18:00 - დან 19:00 საათამდე