აღნიშნული ღონისძიება უკვე ჩატარდა.

გადადით მთავარ გვერდზე, სადაც შეძლებთ უამრავი საინტერესო ღონისძიების დათვალიერებას და ბილეთის შეძენას.
DECODER: CHARLOTTE DE WITTE / LY SAS / 3AM
აღწერა

ელექტრონული მუსიკისა და ვიზუალური ხელოვნების ფესტივალი DECODER შემოდგომის მორიგ სერიას 24 სექტემბერს, SPACEHALL KUSTBA-ს ღია სივრცეში უმასპინძლებს.

CHARLOTTE DE WITTE | LY SAS | 3AM

CHARLOTTE DE WITTE თანამედროვე ელექტრონული მუსიკის სცენის ერთ-ერთი ყველაზე მნიშვნელოვანი წარმომადგენელია, რომლის შემოქმედებაც მუსიკის განსაკუთრებული სიყვარულისა და თავდაუზოგავი შრომის შედეგია.

“არავითარი ძილი” - ასეთი იყო არტისტის სამუშაო მოტო პირველივე დღიდან, როდესაც კაცებით დომინირებულ სცენაზე შეაბიჯა. სურვილმა, რომ მსმენელს მისი გენდერის ნაცვლად ყურადღება შემოქმედებისთვის მიექციათ, CHARLOTTE DE WITTE-ს გადააწყვეტინა, დაკვრა კაცის სახელით დაეწყო. ასე გაჩნდა RAVING GEORGE - ფსევდონიმი, რომლის მიღმაც საკუთარი ძალებისა და შესაძლებლობების სრულფასოვანი დემონსტრირების სურვილით შეპყრობილი ქალი იდგა.

RAVING GEORGE-ის სახელით გამოშვებულ ჩანაწერებს მალევე მოჰყვა დაინტერესება ლეიბლებისა და ფესტივალებისგან. 2015 წელს უკვე კი უკვე საკუთარი, CHARLOTTE DE WITTE-ს სახელით გამოცემულმა სადებიუტო EP-მ WELTSCHMER საშუალება მისცა, მყარად დაემკვიდრებინა თავი ელექტრონული მუსიკის სცენაზე.

2022 წლისთვის მის სახელზე სინგლებისა და ალბომების 25-მდე ჩანაწერია. დიჯეინგისა და პროდიუსერობის, წვეულებებისა და ფესტივალების ორგანიზების გარდა, შარლოტა ლეიბლის KNTXT დამფუძნებელია და მართავს რადიო შოუების სერიას BBC RADIO 1-ის ტალღაზე, ხოლო FORMULA 1-თან კოლაბორაციის შედეგად საბოლოოდ განმტკიცდა მისი, როგორც ერთ-ერთი ყველაზე აქტიური, შემოქმედებითი, ცოცხალი და ენერგიული არტისტის რეპუტაცია.

საფესტივალო ღამეზე მასთან ერთად წარდგებიან ადგილობრივი სცენის ორი ახალი და გამორჩეული სახე - LY SAS შეუჩერებელი ენერგიით, შრომის ეთიკითა და მასთან ერთად ახალი ტალღის წარმომადგენელი 3AM.

——————————————————

ასაკობრივი შეზღუდვა 18+

I კალათა - 70 ₾ 

II კალათა - 80 ₾

III კალათა - 90 ₾